රටට, රණ විරුවන්ට, ජනතාවට සහ අතිගරු ජනාධිපතිතුමා ප්‍රමුඛ රජයට සෙත්පතා ආරක්ෂක අමාත්‍යාංශය වාර්ෂිකව සංවිධානය කරනු ලබන මහා ජය පිරිත් දේශනය හත්වන වරටත් පසුගියදා රැය පහන් වන තුරු බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී පැවැත්විණි.
දිවයිනේ සෑම පළාතක්ම ආවරණය වන පරිදි මහා නායක හිමිවරුන් ප්‍රධාන තෛනිකායික මහා සංඝරත්නය තුන්දහසකට අධික පිරිසක් මීට එක්ව සිටියහ.
මේ අවස්ථාවේදී පිරිත් ශ්‍රවණය සඳහා ජනාධිපති මහින්ද රාජපක්ෂ මැතිතුමා ද එක්ව සිටියේය.
පිරිත් දේශනය සඳහා සහභාගි වූ මහා සංඝරත්නය වෙනුවෙන් පසුදා හීල් දානය පිළිගැන්වීමට ද ජනාධිපතිතුමා එක් විය.
NDH/pmu
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
