ජාතික නිවාස සංවර්ධන අධිකාරියේ කෑගල්ල දිස්ත්‍රික් කාර්යාලය මගින් නිවාස, ඉඩම් හිමිකම් ඔප්පු ප්‍රදානය හා වඩු /පෙදරේරු ශිල්පීන් සඳහා පුහුණු සහතික පත්‍ර ප්‍රදානය කිරීමේ උත්සවයක් මේ මස 24වනදා පැවැත්වීමට කටයුතු යොදා ඇත.
ඉදිකිරීම්, ඉංජිනේරු සේවා , නිවාස හා පොදු පහසුකම් අමාත්‍ය විමල් වීරවංශ මහතාගේ ප්‍රධානත්වයෙන් මෙම උත්සවය කෑගල්ල නගර ශාලාවේ දී පැවැත්වෙන බව කෑගල්ල දිස්ත්‍රික් අප මාධ්‍ය ඒකකය පවසයි.
ඒ අනුව නිවාස, ඉඩම් හිමිකම් ඔප්පු 65ක් සහ වඩු/පෙදරේරු ශිල්පීන් සඳහා සහතික පත්‍ර 400ක් පිරිනැමීමට කටයුතු යොදා ඇති බව ජාතික නිවාස සංවර්ධන අධිකාරියේ කෑගල්ල දිස්ත්‍රික් කළමනාකරු පී.ඒ.එස්.පී ආරියවංශ මහතා සඳහන් කරයි.
ECB/LT_dmu Kegalle
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
