පුත්තලම් දිස්ත්‍රික් පාර්ලිමේන්තු මන්ත්‍රී, නිපුණතා සංවර්ධන හා වෘත්තීය පුහුණු රාජ්‍ය අමාත්‍ය පාලිත රංගේ බණ්ඩාර මහතාගේ ප්‍රධානත්වයෙන් ආණමඩුව අමාත්‍යවරයාගේ කාර්යාලයේ දී මෙම පුහුණු වැඩසටහන පැවැත්වේ.
මේ යටතේ පුත්තලම ප්‍රදේශයේ රැකියා විරහිත කාන්තාවන් 1,000කට පුද්ගලික සමාගමක් හරහා කුකුළන් ඇතිකිරීම සඳහා පහසුකම් සපයන අතර මෙමඟින් එක් කාන්තාවකට මසකට රුපියල් 30,000 - 35,000ත් අතර ආදායමක් සහතික කෙරේ.
මෙම වැඩසටහනේ දී කුකුළන් ඇතිකිරීමේ කූඩු තනා ගැනීම සඳහා රුපියල් ලක්ෂයක බැංකු ණයක් ලබාගැනීමේ පහසුකම් ද, කුකුල් පැටවුන් 500ක් හා ඊට අවශ්‍ය බෙහෙත් හා ආහාර ද ලබාදීමට නියමිතය.
