මෙවර උපාධි ප්‍රධානොත්සවයේදී නිලධාරීන් 114 දෙනෙකු සිය උපාධි ලැබීමට නියමිතය. ඒ අතර ශ්‍රී ලංකා යුධ හමුදාවට අයත් නිලධාරීන් 60 දෙනෙක්, නාවික හමුදාවට සහ ශ්‍රී ලංකා ගුවන් හමුදාවට අයත් නිලධාරීන් 19 දෙනා බැගින් වන අතර විදේශ රටවලට අයත් නිලධාරීන් 15 දෙනෙක් ද වේ.
මේ මාධ්‍ය හමුවට ආරක්‍ෂක සේවා අණ හා මාණ්ඩලික විද්‍යාලයේ යුධ හමුදා ප්‍රධාන උපදේශක බ්‍රිගේඩියර් ධනන්ජිත් කරුණාරත්න ගුවන් හමුදා ප්‍රධාන උපදේශක ගුවන් කොමදෝරු සම්පත් තුයියාකොන්තේ, නාවික හමුදා ප්‍රධාන උපදේශක නාවික කොමදෝරු රෝහිත පෙරේරා, බ්‍රිගේඩියර් ප්‍රතාප් තිලකරත්න සහ හමුදා මාධ්‍ය අධ්‍යක්‍ෂක බ්‍රිගේඩියර් ජයනාත් ජයවීර යන මහත්වරුන් සහභාග වූහ.
තරග විභාගයක් මගින් ආරක්‍ෂක සේවා අණ හා මාණ්ඩලික විද්‍යාලයේ වසරක පූර්ණ කාලින උපාධි පාඨමාලාවක් සඳහා නිලධාරීන් තෝරා ගන්නා අතර එම පාඨමාලාව සාර්ථකව නිම කිරීම ත්‍රිවිධ හමුදා නිලධාරියෙක් හට ලබා ගතහැකි ඉහළම වෘත්තීය සුදුසුකමක් වේ.
