අඩු ආදායම්ලාභී පවුල් සඳහා නිවාසාධාර ලබාදීමේ වැඩසටහන යටතේ සිමෙන්ති ආධාර බෙදාදීමේ වැඩසටහනක් විදේශ කටයුතු අමාත්‍ය මංගල සමරවීර මහතාගේ ප්‍රධානත්වයෙන් ඊයේ (24) මාතර ප්‍රාදේශීය ලේකම් කාර්යාලීය ශ්‍රවණාගාරයේ දී පැවැත්විණි.
මාතර දිස්ත්‍රික්කයේ අඩු ආදායම්ලාභී පවුල් 112ක් සඳහා සිමෙන්ති කොට්ට 10 බැගින් ලබා දීම මෙහිදී සිදු වූ අතර ඒ අනුව සිමෙන්ති කොට්ට 1120 ක් බෙදා දීමට සිදු විය.
ජාතික නිවාස සංවර්ධන අධිකාරියේ මාතර දිස්ත්‍රික් කාර්යාලය විසින් මෙම වැඩසටහන සංවිධානය කරන ලදි.
මේ අවස්ථාව සඳහා මාතර ප්‍රාදේශීය ලේකම් රංජිත් යාපා මහතා, ජාතික නිවාස සංවර්ධන අධිකාරියේ මාතර දිස්ත්‍රික් කළමනාකරු අජන්ත ද සිල්වා මහතා ඇතුළු රාජ්‍ය නිලධාරීන් හා ප්‍රතිලාභීන් සහභාගි වී සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
