2013 මැයි මාසයේදී ලද තේ නිෂ්පාදනය හා සසඳා බැලීමේදී කි.ග්‍රෑ.මෙ. ටොන් 5400ක වැඩිවීමක් වන අතර මෙය 2014 වර්ෂයේදී ලබා ගත් ප්‍රශස්ත නිෂ්පාදන මට්ටම වේ.
මෙම තේ නිෂ්පාදනය වැඩිවීම‍ට ප්‍රධාන සාධක 03ක් බලපාන ලද බව තේ මණ්ඩලයේ අධ්‍යක්ෂ ජනරාල් යූ.කේ.එස්. මිහිඳු කුලසූරිය මහතා ප්‍රකාශ කළේය. විශේෂයෙන්ම රජය මගින් 2014 අයවැය මගින් කුඩා තේ වතු හිමියන් සඳහා පාංශු හා ජල සංරක්ෂණ කටයුතු සඳහා රු. 5000 බැගින් රු.මිලියන 75ක මුදලක් බෙදා දීම තුළින් ක්‍රමානුකූල වගා සංරක්ෂණයක් ඇති වීම මෙම කරුණු අතර ප්‍රමුඛස්ථානය ගනී. තවද තේ ගොවීන් විසින් සහනාධාර ක්‍රමය යටතේ පොහොර යෙදීම හා යහපත් වර්ෂාපතනය හා යහපත් කාලගුණික තත්ත්වයන් මෙම තේ නිෂ්පාදනය වැඩිවීම‍ට හේතු වී තිබේ.
මීට අමතරව ශ්‍රී ලංකා තේ මණ්ඩලය මගින් දීප ව්‍යාප්තව ක්‍රියාත්මක කරන ලද පසු අස්වනු හානි වැඩපිළිවෙළ මෙම වර්ධනය සඳහා බලපා තිබේ.
MAP
