ජනවාරි 11, 2025
මේ දිනවල පැවැත්වෙන පලතුරු ප්‍රවර්ධන සතියට සමගාමීව හොරණ කනන්විල පලතුරු පර්යේෂණ හා සංවර්ධන ආයතනය මඟින් සම්මන්ත්‍රණ මාලාවක් දියත් කර ඇත.
ඒ අනුව අද (19) පෙරවරු 10.00ට "පලතුරුවල පෝෂණය හා ඖෂධීය වටිනාකම" මැයෙන් විශේෂ දේශනයක් හොරණ රජයේ රෝහල් අධ්‍යක්ෂවරයා විසින් සිදුකරන අතර පෙරවරු 11.00ට "පලතුරු වගාවේ භාවිතයට ගන්නා යන්ත්‍ර සූත්‍ර හා උපකරණ භාවිතය" මැයෙන් දේශනයක් පේරාදෙණිය ප්‍රධාන ඉංජිනේරු එම්.එච්.එම්.ඒ. බණ්ඩාර මහතා විසින් පවත්වනු ලබයි.
"විද්‍යාත්මකව පලතුරු ශාක පුහුණු කිරීම" මැයෙන් හෙට (20) පෙරවරු 10.00ට පවත්වනු ලබන දේශනය සිදු කරන්නේ හොරණ පලතුරු පර්යේෂණ හා සංවර්ධන ආයතනයේ අධ්‍යක්ෂ ආචාර්ය සුභා හීන්කෙන්ද මහතා විසිනි. මෙහි දෙවන දේශනය පෙරවරු 11.00ට "පලතුරු ආශ්‍රිත රෝග පළිබෝධ හා පාලනය" යන මාතෘකාවෙන් උද්‍යාන විද්‍යා පර්යේෂණ හා සංවර්ධන ආයතනයේ ඩබ්.ඒ.ආර්.ටී. වික්‍රමාරච්චි මහතා විසින් පවත්වනු ලබයි.
අනිද්දා (21) පෙරවරු 10.00ට පැවැත්වෙන දේශනය "පලතුරු ඇසුරුම්කරණය, ඉදිරිපත් කිරීම හා වෙළෙඳපොළ" මාතෘකාව යටතේ හා "පලතුරුවල මල් උත්තේජනය" පිළිබඳ චේශනය පර්යේෂණ නිලධාරී ඩබ්.ඩී. ලෙස්ලි මහතා විසින් එදින පෙරවරු 11.00ට පැවැත්වීමට නියමිතය.
මේ සියලු දේශන හොරණ, කනන්විල පලතුරු පර්යේෂණ හා සංවර්ධන ආයතනයේදී පැවැත්වේ.
NDH
නවතම පුවත්
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
