මේ අනුව දිස්ත්‍රික්කයේ ප්‍රාදේශීය ලේකම් කොට්ඨාස 19 අතුරින් යක්කලමුල්ල 276ක්, තවලම 211ක්, කරන්දෙනිය 628ක්, නෙළුව 314ක්, නියාගම 207ක්, ඇල්පිටිය 382ක්, හික්කඩුව 1862ක්, අම්බලන්ගොඩ 386ක් හා අක්මීමන 886ක් වශයෙන් ව්‍යාපෘති ක්‍රියාත්මක කෙරේ.
මෙම තොරතුරු අනාවරණය වුයේ පසුගිය දින දිස්ත්‍රික් ලේකම් කාර්යාලයේ පැවැති මාසික කෘෂිකර්ම ප්‍රගති සමාලෝචන රැස්වීමේ දී ය.
මෙහිදී පුරන් කුඹුරු අස්වැද්දවීම, කෘෂිකර්ම අමාත්‍යංශය මගින් අධීක්ෂණය කරනු ලබන ව්‍යාපෘතීන්වල ප්‍රගතිය විමසා බැලීම සිදු විය.
දිස්ත්‍රික්කයේ අන්නාසි හා දූරියන් පලතුරු ගම්මාන ඇති කිරීමට කටයුතු යොදා ඇති බවද මෙහිදී අනාවරණය විය.
පශු සම්පත් අංශයේ පවතින ගැටලු මෙන් ම දිස්ත්‍රික් වාරිමාර්ග ව්‍යාපෘතිවල ද ප්‍රගතිය මෙන් ම 2014 දැයට කිරුළ වැඩසටහන ක්‍රියාත්මක ඉඩම් වැඩසටහන්වල ප්‍රගතිය ද මෙහිදී සාකච්ඡාවට ගැනුණි.
DB/ GKN - dmu galle
