ජාතික ළමාරක්ෂණ අධිකාරියේ විශේෂ ව්‍යාපෘතියක් ලෙස මෙම සිනහ කඳුළු පෙට්ටිය පාසල් තුළ ව්‍යාප්ත කෙරේ. පාසල් දූ දරුවන්ගේ ස්වකීය අදහස් ගුරුවරුන් වෙත ප්‍රකාශ කළ නොහැකි අවස්ථාවක ඔවුන්ගේ අදහස් හා ඉල්ලීම් මෙම පෙට්ටිය තුළට යොමු කිරීමට ඉඩ කඩ ලබා දීම මෙහි ප්‍රධාන අරමුණයි. මෙම සිනහ කඳුළු පෙට්ටිවලට අදාළ යතුරු දිස්ත්‍රික්කයේ සේවයේ නියුතු ළමාරක්ෂණ අධිකාරියේ නිලධාරීන් යටතේ පවතින අතර ඒවා විවෘත කිරීම සෑම මසකම අවසන් සිකුරාදා දින ගුරුමණ්ඩලය ඉදිරියේ සිදු කිරීමට නියමිතය. ඒ අනුව අදාළ යෝජනා සහ අදහස්, පැමිණිලි පිළිබඳ විමර්ශනය කිරීම ආරම්භ කරනු ඇත.
මේ අවස්ථාව සඳහා ගුරුභවතුන් සහ පාසල් දූ දරුවන් රැසක් ද කලාප අධ්‍යක්ෂවරු ද සහභාගී වී සිටියහ.
NDH/SH_dmu_nuwaraeliya
