රජය මගින් සිදු කරගෙන යන සංවර්ධන ව්‍යාපෘති අධීක්ෂණය කිරීම සඳහා රාජ්‍ය නිලධාරීන් 22000ක් අලුතින් බඳවා ගැනීමට රජය කටයුතු කරගෙන යන බව රාජ්‍ය පරිපාලන හා ආපදා කළමණාකරන අමාත්‍ය රංජිත් මද්දුමබණ්ඩාර මහතා පවසයි.
ඊට අමතරව අඩු ආදායම් ලබන පවුල් ලක්ෂ 06කට අලුතින් සමෘද්ධි සහනාධාර ලබා දීම මේ මස 30වන දා සිට ආරම්භ කරන බවද රජයේ ප්‍රවෘත්ති දෙපාර්තමේන්තුවේ අද(28) පැවති මාධ්‍ය හමුවේදී අමාත්‍යවරයා කීය.
තවද කොළඹ වරායේ නැඟෙනහිර ජැටියේ සංවර්ධනය කිරීම සඳහා රජය ජපන් රජයෙන් සියයට දශම එකක පොළියකට වසර 40ක කාලයකදී ආපසු ගෙවීම සඳහා ණය මුදලක් ලබා ගැනීමට යන බවද මද්දුමබණ්ඩාර මහතා සඳහන් කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
