ආර්ථික සංවර්ධන අමාත්‍යංශයේ මඟපෙන්වීම යටතේ නියඟයෙන් පීඩාවට පත් ජනතාවට සහන සැලසීම සම්බන්ධයෙන් වන සාකච්ඡාවක් අද (18) මඩකළපුව දිස්ත්‍රික් ලේකම් කාර්යාලයේ දී පැවැති අතර එහිදී මෙම තොරතුරු අනාවරණය විය.
නියඟය හේතුවෙන් දිස්ත්‍රික්කය තුළ සිදු ව ඇති හානිය පිළිබඳ ව මෙන් ම ඉදිරියේ දී මෙවැනි තත්ත්වයක් ඇති වුවහොත් හානිය අවම කරගැනීම වෙනුවෙන් වු කරුණු මෙහිදී සාකච්ඡාවට ගැනුණි.
ඉදිරියේ දී මෙවැනි තත්ත්වයක් උද්ගත වුවහොත් හානි අවම කරගැනීම වෙනුවෙන්අදාළ දෙපාර්තමේන්තුවලින් යෝජනා ඉදිරිපත් කරන ලෙස මෙහිදී යෝජනා විය.
ආර්ථික සංවර්ධන අමාත්‍යංශයේ අතිරේක ලේකම් ප්‍රියන්ත මායාදුන්න මහතාගේ ප්‍රධානත්වයෙන් පැවැති මෙම සාකච්ඡාව සඳහා මඩකළපුව දිස්ත්‍රික් ලේකම් පී.එස්.එම්. චාල්ස්, අතිරේක ලේකම් එස්. ගිරිදරන්, සැලසුම් අධ්‍යක්ෂ ආර්. නැදුන්චේලියන් මහත්වරු ඇතුළු දිස්ත්‍රික් ලේකම් කාර්යාලයේ නිලධාරීවරු පිරිසක් එක්ව සිටියහ.
DB
