පුනරුත්ථාපන හා බන්ධනාගාර ප්‍රතිසංස්කරණ අමාත්‍ය චන්ද්‍රසිරි ගජදීර මහතාගේ උපදෙස් මත ශ්‍රී ලංකා බන්ධනාගාර ඉතිහාසයේ ප්‍රථම වරට රැඳවියන්ගේ සමාජීය සහ පවුල් සබඳතාව වර්ධනය කර ගැනීම ඉලක්ක කර ගනිමින් පිහිටුවන ලද දූරකතන ඇමතුම් මධ්‍යස්ථානය ඔක්තෝබර් 15 දින ප.ව. 03.00ට විවෘත කිරීමට නියමිතය.
බන්ධනාගාර කොමසාරිස් ජනරාල් චන්ද්‍රරත්න පල්ලේගම මහතාගේ ආරාධනයෙන් අමාත්‍ය චන්ද්‍රසිරි ගජදීර සහ නියෝජ්‍ය අමාත්‍ය චන්ද්‍රසිරි මුතුකුමාරණ මහත්වරුන්ගේ ප්‍රධානත්වයෙන් මේ විවෘත කිරීමේ උත්සවය පැවැත්වේ.
ඒ සඳහා පුනරුත්ථාපන හා බන්ධනාගාර ප්‍රතිසංස්කරණ අමාත්‍යාංශයේ ලේකම් ජී.එස්. විතානගේ සහ ශ්‍රී ලංකා ටෙලිකොම් ආයතනයේ ප්‍රධාන විධායක නිලධාරී ලලිත් ද සිල්වා යන මහත්වරුන් සහභාගී වීමට නියමිතය.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
