ග්‍රාමීය ආර්ථිකය සහ ග්‍රාමීය ප්‍රජාව නගාසිටුවීම සඳහා ලබා දිය යුතු දායකත්වය කවරේද? යන්න මෙහිදී සාකච්ඡාවට ලක් විය. වර්තමානයේ ග්‍රාමීය ප්‍රජාව විෂයෙහි ලා පවත්නා ගැටලු පිළිබඳ ව මෙහිදී විශේෂ සාකච්ඡාවට ලක් වූ අතර ඒ ඒ ප්‍රාදේශීය ලේකම් කොට්ඨාසයන් හි ග්‍රාමීය ප්‍රජාව වෙත පවතින ගැටලු පිළිබඳ ව ද තානාපතිතුමන් විසින් විමසීමට ලක් කරන ලදී.
වතු ප්‍රජාව විෂයෙහිලා පවතින දරිද්‍රතාව, අධ්‍යපනික ඌනතාව, පෝෂණ තත්ත්වය, ස්ථිර වාසස්ථාන පහසුකම් පිළිබඳ ව විශේෂ සාකච්ඡාවට ලක් වූ මේ අවස්ථාවේ සනීපාරක්ෂක පහසුකම්, ජල සංරක්ෂණ ක්‍රමවේද සහ මත්ද්‍රව්‍ය වෙත නැඹුරුවීමේ ප්‍රවණතාව පිළිබඳව ද අදහස් පළ විය.
දිවි නැඟුම සංවර්ධන වැඩසටහන පිළිබඳ ව ද මෙහිදී විශේෂ අවධානයට ලක්විය. යුරෝපා සංගමයේ තනාපති ඩේවිඩ් ඩේලි මහතාගේ මෙම නිරීක්ෂණ චාරිකාව යටතේ නුවරඑළිය, බදුල්ල සහ මොනරාගල යන දිස්ත්‍රික්කයන් හි ග්‍රාමීය ආර්ථිකය නගාසිටුවීම සඳහා යුරෝපා සංගමයේ දායකත්වය හිමි වේ. ඒ අනුව ලබන වසරේ සිට සංවර්ධන ව්‍යාපෘති වෙනුවෙන් යුරෝපා සංගමයේ දායකත්වය හිමි වීමට නියමිතය. මේ අවස්ථාව සඳහා නුවරඑළිය අතිරේක දිස්ත්‍රික් ලේකම් යූ.ඩබ්.ආර්.යූ.එම්. අමරසේකර මහත්මිය ඇතුළුව ප්‍රාදේශීය ලේකම්වරු සියළුදෙනා ම සහභාගී වී සිටියහ.
NDH/SH-dmu nuwaraeliaya
