2014/15 වාරයේ සිට 23 න් පහල කණ්ඩායම් තරඟාවලී එස්එල්සී යූත් ටූනමන්ට් ලෙස නැවත නම් කෙ‍රේ.SLC YOUTH tournament ) යූත් කණ්ඩාමට 19 න් සහ 21 න් පහල කණ්ඩායම්වලින් ක්‍රීඩකයෝ දෙදෙනා බැගින් ඇතුලත් වෙති. ඉතිරි ක්‍රීඩකයන් වන්නේ XI ක්‍රීඩා කරන වයස අවුරුදු 23 ට අඩු ක්‍රීඩකයෝය.මෙය අනිවාර්ය වෙයි. මෙය ශ්‍රි ලංකා ක්‍රිකට් විධායක කමිටුවේ ඊයේ පැවති රැස්වීමේදී ගත් තීරණයකි.

ටෙස්ට් වරම් ලැබීමට පෙර කාලයේ ක්‍රිකට් ක්‍රීඩාවේ යෙදුණු, වයෝවෘද්ධ සහ වෛද්‍ය සහ වෙනත් වියදම් සඳහා ආධාර අවශ්‍යව සිටින ක්‍රීඩකයන්ට විශේෂ මූල්‍යාධාරයක් පිරිනැමීමට ද ශ්‍රි ලංකා ක්‍රිකට් විධායක කමිටුව තීරණය කොට ඇත. මෙවැනි කරුණාසහගත දීමනාවක් මීට පෙර ගෙවා ඇත්තේ 2007 වසරේ අගෝස්තු මාසයේදීය.මෙම දීමනාව ලැබිය යුතු ක්‍රීඩකයන් ගැන සමාලෝචනයක් කිරීමට කමිටුවක් පත් කරන ලදී.( අතීතයේ ලංකා/ශ්‍රීලංකා ක්‍රිකට් ක්‍රීඩකයන්) ක්‍රිකට් ක්‍රිඩාවෙන් කිසිම පාරිශ්‍රමිකයක් නොලබා මෙම ක්‍රීඩකයන් රටේ අභිමානය වෙනුවෙන් දායකවී ඇත.