ලොරියේ ශීතකරණ කොටසේ මළ සිරුරු තිබුණ බව පොලිසිය ප්‍රකාශ කර ඇත. දින දෙක හමාරක් තිස්සේ මෙම මළ සිරුරු නරක් වෙමින් පවතින අතර ඒවා හඳුනා ගැනීමට නොහැකි තත්ත්වයේ ඇති බවත් එම නිසා සිරුරු ප්‍රමාණය නිශ්චිතව කිව නොහැකි බවත් බලධාරීහු පවසති.
මෙම රථය හංගේරියාවේ සිට ඔස්ට්‍රියාවට ගමන් කරමින් සිටින්නට ඇතැයි පොලිසිය පවසයි. මෙම ලොරියේ අංක තහඩුව හංගේරියාවට අයිති එකක් වන අතර පලා ගොස් ඇති රියදුරා සොයා පොලිස් මෙහෙයුම් ආරම්භ වී තිබේ.
අප්‍රිකානු සහ මැද පෙරදිග රටවල ඇති යුද වාතාවරණය නිසා යුරෝපයට පලා යන සරණාගතයන්ගේ සංඛ්‍යාව සීඝ්‍ර ලෙස වර්ධනය වී තිබේ.
පසුගිය මාසය තුළ පමණක් යුරෝපයට පැමිණි සරණාගතයන්ගේ සංඛ්‍යාව ලක්ෂයකට අධික බව වැඩිදුරටත් වාර්තා වේ.
SDF
