ශ්‍රී ලංකාව හා නවසීලන්තය අතර පැවැත්වුණු දෙවන ටෙස්ට් තරගය කඩුළු 5න් ජයග්‍රහණය කිරීමත් සමඟ හැමිල්ටන්හිදී පැවති ශ්‍රී ලංකාවට එරෙහි ටෙස්ට් ක්‍රිකට් තරගමාලාවේ සම්පූර්ණ ජය හිමි කර ගැනීමට නවසීලන්ත කණ්ඩායම සමත්වී ති‍බේ.
ශ්‍රී ලංකා කණ්ඩායම පළමු ඉනිමේ ලකුණු 292ක්ද,දෙවන ඉනිමේ 133 ක්ද ලබාගත් අතර ප්‍රතිචාර ලෙස නවසීලන්ත කණ්ඩායම පළමු ඉනිමේ ලකුණු 237 ක්ද, දෙවන ඉනිමේ කඩුළු 5 ට ලකුණු 189 ක්ද ලබාගන්නා ලදී.
ඒ අනුව තරගාවලිය 2-0 ක් ලෙස ජයග්‍රහණය කිරීමට නවසීලන්ත කණ්ඩායම සමත්විය.
තරග 5 කින් සමන්විත ශ්‍රී ලංකා – නවසීලන්ත එක්දින ක්‍රිකට් තරගාවලිය පළමු තරගය ලබන 26 වන දා ක්‍රයිස්චර්ච් හිදි ආරම්භ වීමට නියමිත ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
