ක්‍රීඩා අමාත්‍ය දයාසිරි ජයසේකර මහතාගේ උපදෙස් පරිදි ශ්‍රී ලංකා ජූඩෝ සංගමයේ අක්‍රමිකතා හා මුදල් අවභාවිතය පිළිබඳ පරීක්ෂණ මණ්ඩලයක් ක්‍රීඩා සංවර්ධන දෙපාර්තමේන්තුවේ අධ්‍යක්ෂ ජෙනරාල් කේ. ඩී. එස් . රුවන්චන්ද්‍ර මහතා විසින් පසුගිය 23 වෙනි දින සිට පත් කර ඇත.
එම සංගමයේ සභාපති ලෙස ශ්‍රී ලංකා පාර්ලිමේන්තුවේ හිටපු මහ ලේකම් ධම්මික කිතුල්ගොඩ මහතාද හිටපු පොලිස් අධිකාරි එන්. ඩී. කුමාරතුංග මහතා සාමාජිකයෙක් ලෙස ද පත්කර තිබේ.
ශ්‍රී ලංකා ජූඩෝ සංගමයේ ඉදිරියට මුදල් අක්‍රමිකතා සහ අවභාවිතයන් මැඩලමින් පරිපාලන කටයුතු විධිමත්ව පවත්වාගෙන යාමත් ඒ පිළිබඳ සංගමය තුළ මනා පරීක්ෂණයකින් කටයුතු කරගෙන යාමත් ක්‍රීඩා අමාත්‍යවරයා මෙම පරීක්ෂණ මණ්ඩලයෙන් අපේක්ෂා කරයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
