අවුරුදු 10ට වඩා අඩු ළමුන් සිටින සරණාගත පවුල් සඳහා තාවකාලික වීසා ලබා දීමට සැලසුම් කර ඇති බව ඔහු පැවසීය.
මෙම ප්‍රමාණය 1547ක් වූ මුළු සරණාගත ළමුන් සංඛ්‍යාවෙන් සුළු කොටසක් පමණි. එසේම පසුගිය වසරේ ජූලි 19ට පෙර සරණාගතයින් ලෙස ඔස්ට්‍රේලියාවට පැමිණියවුන්ට පමණක් මෙම තීරණයෙන් සහන සැලසේ.
එහෙත් ඕස්ට්‍රේලියානු භූමියෙන් පිටත පැපුවා නිව්ගිනි සහ නාවුරු යන දුපත්වල ඇති රැඳවුම් කඳවුරුවල සිටින වයස 10ට වැඩි ළමුන් සිය ගණනකට මේ නව ප්‍රතිපත්තිය යටතේ සහනයක් නොලැබෙන බව ඔස්ට්‍රේලියානු රජය පවසා ඇත.
ඔස්ට්‍රේලියාවට පැමිණෙන සරණාගතයන් රැගත් මුහුදු යාත්‍රා සංඛ්‍යාව ඉහළ යාමත් සමග ඔවුන් පිළිබඳව දැඩි තීරණ ගැනීමට පසුගිය වසර කිහිපය තුළ ඔස්ට්‍රේලියාව කටයුතු කළේය.
දැනටමත් එසේ පැමිණ කඳවුරුවල රඳවා සිටින දහස් ගණනක් සරණාගතයන් පිළිබඳ පැහැදිලි විසඳුමක් මේ වන විටත් ඕස්ට්‍රේලියානු රජය විසින් ඉදිරිපත් කර නොමැත.
කෙසේ වෙතත් දැනට ඔස්ට්‍රේලියානු රජයේ නීතියට අනුව ළමුන් සඳහා තාවකාලික වීසා පමණක් ලබා දෙන අතර ස්ථිර වීසා ලබා දීමක් සිදු නොවේ.
SDF
