මෙවර අයවැය රජය විසින් සිදු කරන ලද සංවර්ධන වැඩපිළිවෙළ ඊයේ, අද සහ හෙට වශයෙන් පැහැදිලි දැක්මක් සහිත ව ඉදිරිපත් කරන ලද සංවර්ධනාත්මක අය-වැයක් බව ශ්‍රී ලංකා නිදහස් පක්ෂයේ මහලේකම් හා සෞඛ්‍ය අමාත්‍ය මෛත්‍රිපාල සිරිසේන මහතා අද (24) පාර්ලිමේන්තුවේදී පැවසීය.
මෙවර අය-වැයෙන් සෑම අංශයක් කෙරෙහි ම එක සේ අවධානය යොමු කර තිබේ. සෞඛ්‍ය ක්ෂේත්‍රය කෙරෙහි වැඩි අවධානයක් යොමු කර ඇති අතර වකුගඩු හා බෝනොවන රෝග පාලනය සඳහා ද අවධානය යොමු කර ඇති බව අමාත්‍යවරයා සඳහන් කළේය.
එමෙන් ම කෘෂිකාර්මික ක්ෂේත්‍රයේ සංවර්ධනය ඉලක්ක කර ගෙන ඇති අතර ගොවි ජනතාව කෙරෙහි ද විශේෂ අවධානයක් ද යොමු කර තිබෙන බව පවසන අමාත්‍යවරයා මේ අය-වැයෙන් ජනතාවට සහන රැසක් ලබා දී ඇතැයි ද වැඩිදුරටත් පැවසීය.
NDH/HC/SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
