මෙවර ජනාධිපති මහින්ද රාජපක්ෂ මහතා විසින් ඉදිරිපත් කර ඇත්තේ ජනතාවාදී අය-වැයක් බවත් සියලු ම ජනතාව ඉලක්ක කර ගනිමින් මේ අය-වැයෙන් සහන ලබා දී ඇති බවත් මහාමාර්ග, වරාය හා නාවික ව්‍යාපෘති අමාත්‍ය රෝහිත අබේගුණවර්ධන මහතා අද (24) පාර්ලිමේන්තුවේදී පැවසීය.
මේ අයවැය තුළින් මෙතරම් සහන ලබා දීමට හැකි වී ඇත්තේ රට පුරා පසුගිය වසර කිහිපය තුළ සිදු කළ දැවැන්ත සංවර්ධනය නිසයි.
නාවික ක්ෂේත්‍රය සඳහා පසුගිය කාලය පුරා විශාල මුදලක් ජනාධිපති මහින්ද රාජපක්ෂ මහතා වැය කළ බව පැවසූ අබේගුණවර්ධන මහතා මේ තුළින් ලබන ආර්ථික වාසි තවත් වසර ගණනක් ඉක් ම යන විට ලබා ගත හැකි බව ද පෙන්වා දුන්නේය. මෙසේ සහන ලබා දුන්නේ දීර්ඝ කාලීන වැඩපිළිවෙළක් රටපුර ව්‍යාප්ත කිරීම නිසා බව ද අමාත්‍යවරයා වැඩිදුරටත් කියා සිටියේය.
NDH/HC/SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
