මෙරට ජනතාව සිය ප්‍රතිශක්තීකරණය තහවුරු කරගැනීම සඳහා ප්‍රාථමික හෝ වර්ධක එන්නත් මාත්‍රා ලබාගැනීමට අපේක්ෂා කරන්නේ නම් ළඟම ඇති සෞඛ්‍ය වෛද්‍ය නිලධාරී කාර්යාල මගින් සයිනොෆාම් එන්නත් ලබාගන්නා ලෙස නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ හේමන්ත හේරත් මහතා අවධාරණය කළේය.

රටේ ආහාර සුරක්ෂිතතාවක් පැවතීමට නම්, ජවසම්පන්න සහ එඩිතර මානව සම්පතක් පවත්වාගෙන යායුතු බවත්,ඊට නිර්මාණශීලී ජවසම්පන්න මානව සම්පතක් බිහිකිරීම සහ පවත්වාගෙන යාම වෙනුවෙන් අමාත්‍යාංශයක් ලෙස නව වසරේ රාජකාරි ආරම්භ කරන මොහොතේ සියලු දෙනා අධිෂ්ඨාන කරගත යුතු බවත් කම්කරු හා විදේශ රැකියා අමාත්‍ය මනුෂ නානායක්කාර මහතා පවසයි.

නීති පද්ධතිය යාවත්කාලීන කිරීම සඳහා නව නීති ප්‍රතිසංස්කරණ 22 ක් පමණ පසුගිය මාස හය තුළ සම්මත කර ඇති බවත් දුෂණ විරෝධී පනත කඩිනමින් සම්මත කර ගන්නා බවත් අධිකරණ, බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය ජනාධිපති නීතිඥ ආචාර්ය විජයදාස රාජපක්ෂමහතා පවසයි.

රජය මඟින් රට තුළ සිදු කෙරෙන ආහාර නිෂ්පාදනයෙන් කොටසක් අතිරික්තයක් ලෙස පවත්වා ගැනීමට හා ව්‍යාපාරිකයන් සඳහා වෙළෙඳපොල බාධා නැති කිරීමටත් සිය අමාත්‍යාංශයට විශාල වගකීමක් පවතින බව වෙළෙඳ වාණිජ හා ආහාර සුරක්ෂිතතා අමාත්‍ය නලින් ප්‍රනාන්දු මහතා ප්‍රකාශ කරයි.