පොලොන්නරුව, පුලස්තිගම ශ්‍රී ප්‍රියදර්ශනාරාම විහාරස්ථානයේ අභිනවයෙන් ඉදිකළ 18 රියන් බුද්ධ ප්‍රතිමා වහන්සේගේ නේත්‍රා ප්‍රතිෂ්ඨාපන පුණ්‍යෝත්සවය ජනාධිපති මෛත්‍රීපාල සිරිසේන මැතිතුමාගේ ප්‍රධානත්වයෙන් අද (09) පෙරවරුවේ පැවැත්විණි.
අද පෙරවරුවේ විහාරස්ථානය වෙත ගිය ජනාධිපතිතුමා පළමුව ආගමික වතාවත්වල නිරතව ආශිර්වාද ලබා ගත්තේය.
අනතුරුව විහාරාධිපති පුලස්තිගම පැරකුම්බා මහ පිරිවෙනේ කෘත්‍යාධිකාරි පූජ්‍ය හඹරන රතනධම්ම නායක හිමිපාණන් වහන්සේ බැහැදැක සුව දුක් විමසා පිරිකර පූජා කළේය.
ජනාධිපතිතුමාගේ සම්ප්‍රාප්තිය සනිටුහන් කරමින් විහාර පරිශ්‍රයේ නා පැලයක් රෝපණය කිරීමද සිදු විය.
kpm
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
