ඒ අනුව ලබන 9 වැනිදා සිට 15 වැනිදා දක්වා යුද්ධ හමුදාවේ ජීවිත ආරක්ෂක නිලධාරී කණ්ඩායම් 16ක් මෙසේ සේවයේ යොදවා ඇති බව යුද්ධ හමුදා මාධ්‍ය ප්‍රකාශක බ්‍රිගේඩියර් රුවන් වනිගසූරිය මහතා කීය. මෙම ප්‍රධාන වැව්වල දිය නෑමට යෑමේදී අනතුරුදායක ස්ථාන නම් කර ඇත. එම ස්ථානවලට බැසීමෙන් වළකින ලෙසත් තම ජීවිත ආරක්ෂාව සම්බන්ධයෙන් විශේෂ අවධානයක් යොමුකරන ලෙසත් හමුදාව හා පොලිසිය මහජනතාවගෙන් ඉල්ලා සිටී.

ඒ අතර අනුරාධපුර ප්‍රදේශය පුරා පොලිසියේ විශේෂ ආරක්ෂක විධිවිධාන රැසක් ක්‍රියාත්මක වන අතර, රථවාහන පොලිසිය අනුරාධපුරය වෙත එන සෑම ප්‍රධාන මාර්ගයකටම යෙදවීමට පියවර ගෙන තිබේ.

මෙහිදී අධික වේගයෙන් රිය පැදවීම, බීමත්ව රිය පැදවීම ඇතුළු මාර්ග නීති උල්ලංඝනය කරමින් මහජන ජීවිත ආරක්ෂාව පිළිබඳ නොසලකන රියැදුරන්ට එරෙහිව නීතිය තදින්ම ක්‍රියාත්මක කිරීමට පියවර ගන්නා බව පොලිසිය කියයි.

HC/mod