දුම්රිය වෘත්තීය සමිති කීපයක් විසින් දින කීපයක සිට වැටුප් ගැටළුවක් මුල් කරගනිමි කරගමින් ගෙන ගිය දුම්රිය වර්ජනය අවසන් කිරීමට වෘත්තීය සමිති විසින් පියවර ගෙන ඇත. ඒ අනුව ධාවනය නොවූ දුම්රිය හෙට දිනය සිට සාමාන්‍ය තත්ත්වයෙන් ධාවනය වීම සිදු වන බව දුම්රිය සාමාන්‍යාධිකාරී එස්.එම්.අබේවික්‍රම මහතා රජයේ නිලපුවත් වෙබ් අඩවියට පැවසීය.
ඒ අනුව මේ වනවිට දුම්රිය පාලක මැදිරියට සේවකයින් පිරිසක් වාර්තා කර ඇති බවත් සඳහන් කළ සාමාන්‍යාධිකාරීවරයා, හෙට දින වන විට දුම්රිය ගමනාගමනය යථාතත්ත්වයට පත් වනු ඇති බව ද ප්‍රකාශ කළේ ය.
ජනාධිපති මෛත්‍රීපාල සිරිසේන මහතා සමඟ පොළොන්නරුවේ පිහිටි නිල නිවසේ දී අද (12) පෙරවරුවේ පැවති සාකච්ඡාවකින් අනතුරුව වර්ජනය නතර කිරීමට තීරණය කළ බව දුම්රිය වෘත්තීය සමිති සඳහන් කරයි.
පසුගිය 08 දින ආරම්භ කෙරුණු වර්ජනය හේතුවෙන් මගී ජනතාව මෙන්ම මෙවර උසස් පෙළ විභාගයට පෙනී සිටින සිසුන් ද බලවත් අපහසුතාවයට පත් විය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
