ආණ්ඩුක්‍රම ව්‍යවස්ථා සභාව, අද (06) ප.ව. 02.00ට පාර්ලිමේන්තු පරිශ්‍රයේ දී කතානායක කරූ ජයසූරිය මහතාගේ ප්‍රධානත්වයෙන් සහ එහි සාමාජිකයින් දස දෙනාගේ සහභාගීත්වයෙන් රැස් වීමට නියමිත බව කතානායක කාර්යාලය නිවේදනය කරයි.
පසුගිය බදාදා (04) ප.ව. 03.00ට පාර්ලිමේන්තුවේ දී ආණ්ඩුක්‍රම ව්‍යවස්ථා සභාව රැස් විය. එහිදී මෙතෙක් ස්ථාපිත කර නොමැති ස්වාධීන කොමිෂන් සභා සඳහා ලැබී ඇති නාමයෝජනා පිළිබඳව මූලික කරුණු කිහිපයක් සාකච්ඡාවට ගැනිණි.
ඒ පිළිබඳ ස්වකීය නිර්දේශයන් ඉදිරිපත් කිරීමට අදාළ අවසන් තීරණයක් ගැනීම පිණිස වැඩිදුරටත් සාකච්ඡාවට භාජනය කිරීමේ අරමුණින් අද යළි ආණ්ඩුක්‍රම ව්‍යවස්ථා සභාව රැස් වෙනු ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
