කොස්ගම සාලාව යුද හමුදා කඳවුරේ පසුගියදා ඇති වූ පිපිරීමේදී විසිර පැවතිය හැකි පුපුරාගිය සහ පුපුරා නොගිය පතරොම් වෙඩි ද්‍රව්‍ය පිළිබඳ සිසුන් දැනුවත් කිරීමේ වැඩසටහනක් ශ්‍රී ලංකා යුද හමුදාව ක්‍රියාත්මක කර තිබේ.
සාලාව සුමේධ මහා විද්‍යාලය, පුවක්පිටිය දමිළ මහ විද්‍යාලයේ සහ කළුඅග්ගල ශාන්ත ජෝන් බොස්කෝ විද්‍යාලය යන ස්ථානවලදී මෙම වැඩසටහන ක්‍රියාත්මක කර තිබේ.
ඉංජිනේරු භට පිරිස් විසින් දේශන පවත්වමින් එහි විනාශකාරී ස්වභාවය හා අනාරක්ෂිත බව පිළිබඳ සිසුන් දැනුවත් කිරීම සිදු වූ අතර සාලාව පතරොම් ගබඩාවේ ඇති වූ පිපිරීමෙන් විසිර ගිය සුන්බුන් ස්පර්ශ කිරීමෙන් වැලැකී සිටීම වෙනුවෙන් මෙම දැනුවත් කිරීම සිදු කර තිබෙන බව ශ්‍රී ලංකා යුද හමුදාව වැඩිදුරටත් සඳහන් කරයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
