පැලෑඳ රජමහා විහාරස්ථානය වෙත පැමිණි ජනාධිපතිතුමා ආගමික වතාවත් වල නිරතවීමෙන් අනතුරුව නායක ස්වාමීන් වහන්සේලා බැහැදැක සුවදුක් විමසමින් සුහද පිළිසඳරක නිරත විය.
මෙම පුණ්‍ය අවස්ථාව සිහිපත් කරමින් විහාර භූමියේ සදුන් පැළයක් රෝපණය කිරීම ජනාධිපතිතුමා අතින් සිදු වූ අතර වීදියබණ්ඩාර කුමරු විසින් භාවිතා කරන ලද පුරාණ අවි ආයුධ නිරීක්ෂණය කිරීමට ද ජනාධිපතිතුමා එක්විය.
මෙම අවස්ථාවට කෝට්ටේ ශ්රී කල්‍යාණිට සාමග‍්‍රි ධර්ම මහා සංඝ සභාවේ මහානායක ආචාර්ය පූජ්‍ය ඉත්තෑපාන ධම්මාලංකාර ස්වාමීන් වහන්සේ, පැලෑද රජමහා විහාරාධිපති පූජ්‍ය දේවමුල්ලේ කල්‍යාණවංශ නායක ස්වාමීන් වහන්සේ ප‍්‍රමුඛ මහා සංඝරත්නය ද අමාත්‍ය රාජිත සේනාරත්න, බස්නාහිර පළාත් අමාත්‍ය රංජිත් සෝමවංශ ඇතු`එ මැතිඇමතිවරුන් පිරිසක් සහභාගී වූහ.
මෙම පුණ්‍යෝත්සවයට සහභාගි වීමෙන් අනතුරුව පොළොන්නරුව, ලක්ෂ උයන කණිටු විදුහලේ විශ‍්‍රාමික විදුහල්පතිවරයෙකු වන බීටන් ගම ඇතිගේ මහතාගේ සුවදුක් විමසීම සඳහා ද ජනාධිපතිතුමා ඒ මහතාගේ නිවස වෙත ගියේය.
ජිනාරාම මාවත, බදුරලිය ප‍්‍රදේශයේ පදිංචිව සිටින විශ‍්‍රාමික විදුහල්පති බීටන් මහතා සේවය කළ විදුහලේ ආචාර්ය මණ්ඩලයේ ජනාධිපතිතුමාගේ මෑණියන් ද සේවය කර තිබේ.
