තැපැල් සේවකයින්ගේ ඉල්ලීම්වලට රජය සාර්ථක ලෙස ප්‍රතිචාර දක්වා ඇති බැවින් තැපැල් සේවකයින්ට සේවයට වාර්තා කරන ලෙස තැපැල්, තැපැල් සේවා හා මුස්ලිම් ආගමික කටයුතු අමාත්‍ය එම්.එච්.ඒ.හලීම් මහතා පවසයි.
අද (21) පාර්ලිමේන්තුවේ දී මන්ත්‍රී ඩලස් අලහප්පෙරුම මහතා මතු කළ ප්‍රශ්නයකට පිළිතුරු දෙමින් අමාත්‍යවරයා මෙසේ පැවසී ය.
මෙම වර්ජන ක්‍රියාවලිය කිසිදු තේරුමක් නොමැති බවත් වෘත්තීය සමිති කළ ප්‍රධාන ඉල්ලීම් දෙකක් වන අලුත් සේවා ව්‍යවස්ථාවක් පිහිටුවීමත්, තුන්වැනි ශ්‍රේණිය අහෝසි කිරීමත් තීරණයට රජය සාර්ථක ප්‍රතිචාර දක්ව තිබෙන බවද කී අමාත්‍යවරයා වර්ජනය පිටුපස ආණ්ඩුව පෙරලීමේ වෙනත් වුවමනාවක් පවතින බවද සඳහන් කළේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
