රාජ්‍ය නිලධාරින්ට තනතුරු නාම හා පහසුකම් ලබා දෙන්නේ මහජනයාගේ දුක නිවා ඔවුන්ට සේවය කිරීමට බව මාතලේ දිස්ත්‍රික්කයේ වැඩ භාර ගනිමින් මාතලේ නව දිසාපති/දිස්ත්‍රික් ලේකම් නීල් ද අල්විස් මහතා ප්‍රකාශ කළේය. කදුළු සලමින් පැමිණෙන සේවා දායකයාගේ මුවග සිනාවක් රදවා යවන්නට හැකි නම් එය ඉතා වැදගත් බවත් සෑම විටම රාජ්‍ය නිලධාරින් මහජනයාට උදව් කිරීමට සැදී පැහැදී සිටිය යුතු බවත් නව දිසාපතිවරයා පැවසීය.
නිලධාරින්ගේ සේවා කාලයට වඩා වැදගත් වන්නේ ඔවුන් මහජනතාව වෙනුවෙන් අලුතින් හිතා බලා නිර්මාණශීලීව ඉටුකරන කටයුතු බවත් ඒ සදහා නිලධාරින් දැනුමින් පිරිපුන් පුද්ගලයන් විය යුතු බවද හෙතෙම සදහන් කළේය.
තමා සතු දැනුම බුද්ධිය , කුසලතා මහජනයා සහ ආයතනයේ දියුණුවට යෙදවිය යුතු බව පැවසූ දිසාපතිවරයා රජය වියදම් කරන මුදලින් යහපත් ප්‍රතිඵල ලැබිය යුතු බවත් එහි ප්‍රතිලාභ සියළු දෙනාටම අත්පත් විය යුතු බවත් වැඩි දුරටත් ප්‍රකාශ කළේය.
MAP/dmu_matale
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
