සමාජ ඒකාබද්ධතාවය ප්‍රවර්ධනය කිරීමේ අරමුණින් රාජ්‍ය පරිපාලන සහ ප්‍රජාතන්ත්‍රීය පාලනය පිළිබද අමාත්‍යාංශයේ ජාතික භාෂා හා සමාජ ඒකාබද්ධතා අංශය මගින් වාර්ෂිකව සංවිධානය කරනු ලබන ජාතික අලුත් අවුරුදු වැඩසටහන, මෙවර මහනුවර දිස්ත්‍රික්කය කේන්ද්‍ර කර ගනිමින් පැවැත්වීමට කටයුතු යොදා තිබේ. ඒ අනුව මෙවර උත්සවය අප්‍රේල් මස 21 වන දින මහනුවර උඩපලාත ප්රාදේශීය ලේකම් කාර්යාලීය පරිශ්‍රයේදී පැවැත්වීමට නියමිතය.
ජාතික භාෂා හා සමාජ ඒකබද්ධතා අංශය සංවිධානය කරනු ලබන මෙම වැඩසටහන මීට පෙර කිලිනොච්චිය, මාතලේ සහ රත්නපුර යන දිස්ත්‍රික්කයන්හි දී පවත්වා ඇත.
උත්සවය පැවැත්වීමේ අරමුණ වන්නේ ජාතීන් අතර අන්‍යෝන්‍ය සුහදත්වය වර්ධනය කිරීමයි. මෙවර උත්සවය රාජ්‍ය පරිපාලන සහ ප්‍රජාතන්ත්‍රීය පාලනය පිළිබඳ අමාත්‍ය කරු ජයසූරිය මහතාගේ ප්‍රධානත්වයෙන් සහ දිස්ත්රික්කයේ මහජන නියෝජිතයන් රැසකගේ සහභාගීත්වයෙන් පැවැත්වීමට නියමිතය.
SDF/TKA_dmu_Kandy
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
