කුරුණෑගල දිස්ත්‍රික්කයේ සියලුම ප්‍රාදේශිය ලේකම් කාර්යාලවල තොරතුරු අදාළ සියලු පුද්ගලයින්ගේ පරිගණක ගත කර ඇති බැවින් විවාහ, උප්පැන්න, මරණ සහතික ප්‍රමාදයකින් තොරව කඩිනමින් ලබා ගැනීමට හැකි බව රෙජිස්ටර් ජනරාල් දෙපාර්තමේන්තුවේ රෙජිස්ටර් ජෙනරාල් ඊ.එම්. ගුණසේකර මහතා රජයේ නිල පුවත් වෙබ් අඩිවියට පැවසීය.
මේ සඳහා එම සහතිකය අවශ්‍ය පුද්ගලයින් අදාළ නම හා උපන් දිනය, මවගේ නම, උපන් ස්ථානය, යනාදී එක් කරුණුක් පමණක් ප්‍රාදේශීය ලේකම් කාර්යාලයට හෝ දිස්ත්‍රික් ලේකම් කාර්යාලයට ලබාදීමෙන් පසු සහතික කරන ලද පිටපතක් ඔබට ලබා ගැනීමට හැකි වේ.
ඒ අනුව දින 100 වැඩපිළිවෙළ යටතේ 2015 මාර්තු 30 වන විට කුරුණෑගල දිස්ත්‍රික්කයේ සම්පූර්ණයෙන් ම ආවරණය වන පරිදි මෙම ව්‍යාපෘතිය සාර්ථකව ක්‍රියාත්මක කිරීමට හැකි වූ බව රෙජිස්ටර් ජනරාල්වරයා වැඩිදුරටත් පැවසීය.
KA
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
