ජනාධිපති මෛත්‍රිපාල සිරිසේන මහතාගේ උපදෙස් පරිදි ක්‍රියාත්මක වන දේශිය නිෂ්පාදනය දෙගුණ කිරිමේ වැඩපිළිවෙලට සමගාමීව ක්‍රියාත්මක මෙම වැඩසටහන යටතේ දිස්ත්‍රික්කයේ රජයේ කාර්යාලවල ,රජයේ සේවකයින්ගේ නිල නිවාසවල, සහ පුද්ගලික ඉඩම්වල ගෙවතු වගාව ක්‍රියාත්මක කිරිමට නියමිතය.
මෙහි සමාරම්භක දිනය දා තැන්න ගොවිජන සේවා මධ්‍යස්ථානයේ රුක්රෝපණ වැඩසටහනක් ද ක්‍රියාත්මක කෙරේ.දිස්ත්‍රික් ලේකම් නීල් ද අල්විස් මහතාගේ උපදෙස් පරිදි මෙම වැඩසටහනට ක්‍රියාත්මක වන අතර දිස්ත්‍රික් ලේකම් කාර්යාලය, ගොවිජන සේවා දෙපාර්තමේන්තුව , කෘෂිකර්ම දෙපාර්තමේන්තුව, සුළු අපනයන බෝග දෙපාර්තමේන්තුව, හදබිම අධිකාරිය යන ආයතනවල දායකත්වය ලබා ගැනේ.
මෙම වැඩසටහනට සමගාමීව එදින ප.ව. 2.30 ට දිස්ත්‍රික් ලේකම් කාර්යාලයීය ශ්‍රවණාගාරයේ දී දේශිය කෘෂිකර්මය පිළිබඳ විශේෂ දේශනයක් හදබිම අධිකාරියේ සභාපති නන්දසේන හේරත් මහතා විසින් පැවැත්විමට නියමිතය.
AP/DMU- Matale
