මෙවර ජාතික වෘත්තීය සුරක්ෂිතතා සතියට සමගාමීව වෘත්තීය සුරක්ෂිතතාව හා සෞඛ්‍ය පිළිබඳ ජාත්‍යන්තර සම්මන්ත්‍රණයක් හා ජාතික සම්මන්ත්‍රණයක් පැවැත්වීමටත්, සේවකයින් වෙනුවෙන් සුරක්ෂිත වැඩ පරිසරයක් ඇති කිරීම සඳහා කැපවීමෙන් කටයුතු කරන ව්‍යාපාරික ආයතන තෝරා ඇගයීමට ලක් කිරීමේ අරමුණින් 'ජාතික වෘත්තීය සුරක්ෂිතතා හා සෞඛ්‍ය විශිෂ්ටතා සම්මාන උළෙල' පැවැත්වීමටත් නියමිතය.
රැකියා ආශ්‍රිත සියලුම ආකාරයේ අනතුරු අවම කිරීම තුළින් සෞඛ්‍යසම්පන්න ශ්‍රම බලකායක් බිහි කිරීම මඟින් ජාතික නිෂ්පාදනය ඉහළ නැංවීම සඳහා සුවිශේෂ දායකත්වයක් ලබා දීමේ ප්‍රධාන අරමුණ මෙම වැඩසටහන ක්‍රියාත්මක කෙරේ.
