අඩු ආදායම්ලාභී ප්‍රාදේශීය සභා නගා සිටුවීම සඳහා ආසියානු සංවර්ධන බැංකුවේ ආධාර යටතේ පුර නැගුම ව්‍යාපෘතිය ක්‍රියාත්මක වේ. එමඟින් කසළ සම්පීඩනය කර ප්‍රවාහනය කරන රථ (Garbage Compactors) 28 ක් සහ කෝම්පෝස්ට් අංගන වල කසළ හැසිරවීමේ රථ(Skid Steer Motor) 14 ක් ප්‍රාදේශීය සභා 38 කට බෙදාදීම ‍සිදු විය.

 කසළ සම්පීඩනය කර ප්‍රවාහනය කරන එක් රථයක වටිනාකම රුපියල් ලක්ෂ 126 ක් වන අතර, කෝම්පෝස්ට් අංගන වල කසළ හැසිරවීමේ රථයක මිල රුපියල් ලක්ෂ 44 ක්. ඒ අනුව, මෙම කසළ කළමනාකරණ රථ 42 සඳහා පළාත් සභා සහ පළාත් පාලන අමාත්‍යංශයේ, පුරනැගුම ව්‍යාපෘතිය රුපියල් ලක්ෂ 4,170 ක් වැය කර තිබෙන බව අමාත්‍යවරයා පෙන්වා දුන්නේය.

මෙම උත්සවයට, අමාත්‍යංශයේ ලේකම් කමල් පද්මසිරි මහතා ඇතුළු අමාත්‍යංශ නිලධාරීන් සහ පුරනැගුම ව්‍යාපෘතියේ නිලධාරීන් සහභාගිවූහ.