වවුනියාව, වෙංගල සෙට්ටිකුලම් ප‍්‍රාදේශීය කොට්ඨාසයේ අතුරුදන්වූවන් පිළිබඳ පැමිණිලි විභාගය අදත් (15) වෙංගල සෙට්ටිකුලම් ප‍්‍රාදේශීය ලේකම් කාර්යාලයේදී සිදු කෙරෙන අතර වවුනියාව ප‍්‍රාදේශීය ලේකම් කොට්ඨාසයේ හා වවුනියාව දකුණු ප‍්‍රාදේශීය ලේකම් කොට්ඨාසයේ පැමිණිලි විභාග කිරීම හෙට (16) හා අනිද්දා (17) වවුනියාව ප‍්‍රාදේශීය ලේකම් කාර්යාලයේ දී සිදුකිරීමට නියමිතය.
අතුරුදන්වූවන් පිළිබඳ ජනාධිපති කොමිසම ඊයේ (14) ආරම්භ කළ අතර එය ලබන 17 දින දක්වා පැවැත්වෙන බව එම කොමිසමේ සභාපති එච්.එම්. ගුණදාස මහතා සඳහන් කරයි.
ජනතාව සිදු කළ පැමිණිලි විභාග කිරීමට අමතරව නව පැමිණිලි භාර ගැනීමට ද මෙහිදී අවස්ථාව සලසා ඇතැයි ගුණදාස මහතා වැඩිදුරටත් පැවසීය.
NDH/priu
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
