ඕස්ට්‍රේලියාවේ ක්‍රිකට් වෙබ් අඩවියක් (cricket.com.au) විසින් පැවැත්වූ ඔන්ලයින් ඡන්ද විමසීමක දී 21 වැනි සියවසේ ‘හොඳම ටෙස්ට් ක්‍රීඩකයා‘ ලෙස ශ්‍රී ලංකා සුපිරි ටෙස්ට් ක්‍රිකට් ක්‍රීඩක, හිටපු එක්දින හා විස්සයි විස්ස ක්‍රීඩක සහ ශ්‍රී ලංකා ජාතික ක්‍රිකට් කණ්ඩායමේ හිටපු නායක කුමාර් සංගක්කාර දෙවන වැඩිම මනාප ලබා ඇත.
හිටපු ඉන්දීය ක්‍රිකට් කණ්ඩායමේ නායක සචින් ටෙන්ඩුල්කාර් එම ඡන්දයේ දී, 2000 වසරේ සිට හොඳම ටෙස්ට් ක්‍රීඩකයන් 100 ලැයිස්තුවේ ඉහළින්ම සිටීමට වැඩිම මනාප ලබා ඇත. එහි තෙවැනි ස්ථානය ඕස්ට්‍රේලියාවේ ඇඩම් ගිල්ක්‍රිස්ට් විසින් හිමිකර ගන්නා ලදී.
මේ සමීක්ෂණයට සහභාගි 16,000 කට අධික ක්‍රීඩා ලෝලීන් අතරින් ටෙන්ඩුල්කාර් ඡන්ද සියයට 23ක් ලබා ගෙන ඇති අතර සංගක්කාර සියයට 14ක් ඡන්ද හිමි කර කගෙන ඇත.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
