ශ්‍රී ලංකා යුද හමුදා වොලිබෝල් කමිටුවේ සභාපති මේජර් ජෙනරාල් බොනිෆස් පෙරේරා මහතාගේ අදහසකට අනුව එම නව වොලිබෝල් ක්‍රීඩාංගණය ඉදිකෙරිණි.
නව වොලිබෝල් සංකීර්ණයත් සමඟ ඉදි වූ කෞතුකාගාරයෙ හි ඵෙතිහාසික තොරතුරු රැසක් ප්‍රදර්ශණය සඳහා තැන්පත් කොට ඇති අතර එදින රිටිගල අංගම් සටන් කලාව හා සම්බන්ධ නර්ථන අංග කිහිපයක් ද ප්‍රේක්ෂකයන් වෙත ඉදිරිපත් කරනු ලැබීය.
එම අවස්ථාවේදී ශ්‍රී ලංකා නාවික හමුදා වොලිබෝල් කණ්ඩායම සහ ශ්‍රී ලංකා යුද හමුදා කාන්තා වොලිබෝල් කණ්ඩායම අතර ප්‍රදර්ශන තරගයක් පැවැත්වුණු අතර එහි කුසලාන සහ සහතිකපත් ප්‍රදානය කෙරිණි.
මුලතිව් ආරක්ෂක සේනා මූලස්ථාන ආඥාපති මේජර් ජෙනරාල් පී.යූ.එස් විතානගේ මහතා සමඟින් සේනාංකාධිපතිවරු, බල සේනාධිපතිවරු, ජ්‍යෙෂ්ඨ නිලධාරීහු, සෙසු නිලයන් සහ අවට පාසල්වල සිසුහු මෙම අවස්ථාවට සහභාගීවී සිටියහ.
මෙම අවස්ථාව සඳහා ආරක්ෂක සේවා අණ හා මාණ්ඩලික විද්‍යාලයේ නිලධාරීහු, ශිෂ්‍ය නිලධාරීහු සහ ඔවුන්ගේ පවුල්වල සාමාජිකයෝ බොහෝ පිරිසක් ද සහභාගී වූහ.
NDH
