ශ්‍රී ලංකා පරිපාලන සේවයේ විශේෂ ශ්‍රේණියේ නිලධාරිණියක වන යූ.පී.එල්.ඩී. පතිරණ මහත්මිය රජයේ ප්‍රවෘත්ති දෙපාර්තමේන්තුවේ අතිරේක අධ්‍යක්ෂ ජනරාල් වශයෙන් රජයේ ප්‍රවෘත්ති අධ්‍යක්ෂ ජනරාල් නීතිඥ සුදර්ශන ගුණවර්ධන මහතා ඉදිරියේ අද (24) දින පෙරවරුවේ වැඩභාර ගනු ලැබීය.

රට තුළ සිදුවන ළමා අපයෝජන අවම කිරීමේ අරමුණින් ජාතික ළමා ආරක්ෂක අධිකාරිය සහ ජනාධිපති ලේකම් කාර්යාලය ''දරුවන් සුරකිමු'' ජාතික වැඩසටහනට සමගාමීව දිස්ත්‍රික් ලේකම් කාර්යාල, ප්‍රාදේශීය ලේකම් කාර්යාල සහ ප්‍රදේශයේ ජනතාවගේ සහභාගිත්වයෙන් ''ජන පවුර'' ජාතික වැඩසටහන අගෝස්තු 28 වන දින කුරුණෑගල දිස්ත්‍රික්කයෙන් ආරම්භ වන බව ජාතික ළමා ආරක්ෂක අධිකාරියේ අධ්‍යක්ෂ ජනරාල් අනෝමා සිරිවර්ධන මහත්මිය පැවසුවාය.

රුපියල් මිලියන 16,000 ක් වැය කරමින් ඉදි කෙරෙන වයඹ ඇළ ව්‍යාපෘතියේ දෙවන අදියර ආරම්භ කිරීමේ අවස්ථාව අද (24) පෙරවරුවේ ජනාධිපති ගරු මෛත්‍රීපාල සිරිසේන මැතිතුමාගේ ප්‍රධානත්වයෙන් පොල්පිතිගමදි පැවැත්විණි. 

ග්‍රාමශක්ති ජාතික වැඩසටහන යටතේ කෑගල්ල දිස්ත්‍රික්කයට මේ වන විට රු.මිලියන 33ක මුදල් ප්‍රතිපාදන හිමිවී ඇතැයි කෑගල්ල දිස්ත්‍රික් ලේකම් චන්ද්‍රසිරි බණ්ඩාර මහතා සඳහන් කරයි.