විදේශගත ශ්‍රමිකයින්ට ගුවන්තොටුපොලේදී ලබාදෙන තීරුබදු සහනය මැයි පළමුවැනිදා සිට ඉහළ නංවන බව විදේශ රැකියා හා කම්කරු අමාත්‍ය මනුෂ නානායක්කාර මහතා අද (27) රජයේ ප්‍රවෘත්ති දෙපර්තමෙන්තුවේ පැවති විශේෂ මාධ්‍ය සාකච්ඡාවේ දී ප්‍රකාශ කළේය.

විශේෂඥ වෛද්‍යවරු ඇතුළු සෞඛ්‍ය ක්ෂේත්‍ර යේ අය විදේශ ගතවීම සම්බන්ධයෙන් වෙනම කමිටුවක් පත් කරන බවත් ඊට අවශ්‍ය පිළියම් යෙදීමට රජය කටයුතු කරන බව සෞඛ්‍ය අමාත්‍ය කෙහෙළිය රඹුක්වැල්ල මහතා අද (27)පාර්ලිමේන්තුවේදී ප්‍රකාශ කළේය.

මේ දිනවල අධික උෂ්ණත්වය වැඩි වශයෙන් බලපාන්නේ කුඩා දරුවන්ට සහ අවුරුදු 65ට වැඩි වැඩිහිටියන්ට බව කලුතර මහ රෝහලේ හෘද රෝග විශේෂඥ වෛද්‍ය වසන්ති රත්නායක මහත්මිය පැවසුවාය.

දේශීය ණය ප්‍රතිව්‍යහගත කිරීම සඳහා ගන්නා ඕනෑම ක්‍රියා පිළිවෙතක්,මූල්‍ය ස්ථායිතාව පවත්වාගනිමින් සිදු කරන බව සමෘද්ධි, ගෘහ ආර්ථීක, ක‍ෂුද්‍ර මූල්‍ය, ස්වයං රැකියා, ව්‍යාපාර සංවර්ධන රාජ්‍ය අමාත්‍ය ශෙහාන් සේමසිංහ මහතා අද(27) පාර්ලිමේන්තුවේදී පැවසීය.