තැලසීමියා රෝගීන්ට ප්‍රතිකාර කිරීම,ඇට මිදුලු බද්ධ කිරීම ඇතුළු ප්‍රතිකාර කටයුතු වෙනුවෙන් ඉදිකෙරෙන දෙවන මධ්‍යස්ථානය මහනුවර රෝහල ආශ්‍රිතව දැනටමත් ඉදිකෙරෙන බව සෞඛ්‍ය පෝෂණ හා දේශීය වෛද්‍ය අමාත්‍ය රාජිත සේනාරත්න මහතා පාර්ලිමේන්තුවේදී අද (06) ප්‍රකාශ කළේය.
මෙම ඒකකය ඉදිකිරීම සඳහා අවශ්‍ය මුදල් වෙන්කර ඇති බවත් තැලසීමියා රෝගින්ට ඇට මිදුලු බද්ධ කිරීමේ පළමු ඒකකය මහරගම අපේක්ෂා පිළිකා රෝහලෙහි ඉදිකළ බවද අමාත්‍යවරයා පැවසීය.
පාර්ලිමේන්තු මන්ත්‍රී නලින්ද ජයතිස්ස මහතා මතුකළ වාචික ප්‍රශ්නයකට පිළිතුරු දෙමින් අමාත්‍යවරයා මේ බව සඳහන් කළේය.
එහිදි මහනුවර දිස්ත්‍රීක් මන්ත්‍රි ලකී ජයවර්ධන මහතා අසන ලද ප්‍රශ්නයකට පිළිතුරු දුන් අමාත්‍යවරයා වැඩිදුරටත් සඳහන් කළේ සුවඳ විලවුන් නියාමන පනත සැකසීම වෙනුවෙන් නීතිපති දෙපාර්තමේන්තුවේ නිලධාරීන් අවශ්‍ය කටයුතු කරමින් සිටින බවයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
