මාර්තු 15, 2025
Prabhath Rathnayaka
නව විදේශ තානාපතිවරු දෙදෙනෙක් ජනපතිට අක්ත පත්‍ර භාර දෙති.
සැප්තැම්බර් 17, 2022
ශ්‍රී ලංකාවට අලුතින් පත්ව ආ නව විදේශ තානාපතිවරු දෙදෙනෙක් ඊයේ (16) ජනාධිපති කාර්යාලයේ දී ජනාධිපති රනිල් වික්‍රමසිංහ මහතා වෙත සිය අක්ත පත්‍ර භාර දුන්හ.
ළමයින් සඳහා වන පාර්ලිමේන්තු සංසදය ලබන සතියේ රැස්වෙයි
සැප්තැම්බර් 17, 2022ශ්‍රී ලංකාවේ දරුවන්ට යහපත් හෙට දවසක් උදාකර දීම සඳහා අදාළ අමාත්‍යාංශ හා වෙනත් ආයතන සම්බන්ධ කර ගනිමින් රටේ දරුවන් සම්බන්ධ ගැටලුවලට විසඳුම් සෙවීම සඳහා පිහිටුවා ඇති ළමයින් සඳහා වන පාර්ලිමේන්තු සංසදය ලබන 21 වැනිදා රැස්වීමට නියමිතව තිබේ.
සෑම පරිපාලන දිස්ත්‍රික්කයකම අග නගරය මහ නගර සභාවක් කිරීමේ, අග්‍රාමාත්‍යවරයාගේ වැඩපිළිවෙළ- -ගැසට් නිවේදනය නිකුත් වේ
සැප්තැම්බර් 17, 2022සෑම පරිපාලන දිස්ත්‍රික්කයක ම අගනගරය මහ නගර සභාවක් ලෙස සංවර්ධන කිරීමේ අග්‍රාමාත්‍ය දිනේෂ් ගුණවර්ධන මහතාගේ සංකල්පයට ක්‍රියාවට නැන්වෙමින් දිස්ත්‍රික්ක 7ක අග නගර 7ක්, මහ නගර සභා ලෙස උසස් කිරීමේ පළමු අදියරේ ගැසට් නිවේදනය නිකුත් කර තිබේ.
COVID 19 එන්නත් කිරීමේ වැඩසටහන ශක්තිමත් කිරීමට විශේෂ සති අන්ත එන්නත් වැඩසටහනක්
සැප්තැම්බර් 17, 2022
කොවිඩ් මර්දන තෙවන, සිව්වන බූස්ටර් එන්නත් ලබාදීමේ විශේෂ වැඩසටහනක් ඉදිරි සති අන්ත කිහිපය තුල දිවයින පුරා ක්‍රියාත්මක කිරිමට සෞඛ්‍ය අමාත්‍යාංශය පියවර ගෙන තිබේ.
ඒ් අනුව සැප්තැම්බර් 17 සහ 24 සහ ඔක්තෝබර් 1 සහ 8 යන සති අන්ත 04 තුළ මෙම වැඩපිළිවෙල දිවයින පුරා සැම ප්‍රාදේශිය සෞඛ්‍ය වෛද්‍ය නිලධාරි කාර්යාල හා රෝහල් හි පැවැත්වේ.
මෙම එන්නත් වැඩසටහන තුල වයස අවුරුදු 20 සහ ඊට වැඩි වැඩිහිටියන් සඳහා පළමු සහ දෙවන බූස්ටර් මාත්‍රාත්, වයස අවුරුදු 12-19 අතර ළමුන් සඳහා පළමු සහ දෙවන එන්නත් මාත්‍රාත් ලබාදී ඇති බවට තරවුරු කර ගැනීමෙන් අනතුරුව බූස්ටර් එන්නත් ලබාදීමද සිදු කෙරේ.
සියලු සුදුසුකම් ලත් කණ්ඩායම් සඳහා අදාල දිනයන් හි සෑම සෞඛ්‍ය වෛද්‍ය නිලධාරි කාර්යාලයක්ම මධ්‍යම සායනය ඇතුළුව සෞඛ්‍ය වෛද්‍ය නිලධාරී බල ප්‍රදේශයේ අවම වශයෙන් ස්ථාන 03 ක හෝ එන්නත් මධ්‍යස්ථාන 03 ක විශේෂ එන්නත් ව්‍යාපාරයක් පැවැත්වීමට කටයුතු සංවිධානය කළ යුතු බවට සෞඛ්‍ය සේවා අධ්‍යක්ෂ ජනරාල් අසේල ගුණවර්ධන මහතා අදාල නිලධාරින් වෙත උපදෙස් ලබාදී ඇත.
මෙම සායන පෙරවරු 8.00 සිට සවස 4.00 දක්වා විවෘතව තැබේ.
සතියේ අනෙකුත් දිනවල ප්‍රාදේශිය සෞඛ්‍ය වෛද්‍ය නිලධාරි කාර්යාල හා රෝහල් හරහා ලබා දෙන සාමාන්‍ය COVID 19 එන්නත් කිරීමේ සේවාවන්ට අමතරව මෙම එන්නත් කිරීමේ ව්‍යාපාරය පැවැත්වෙන අතර, සියලුම එන්නත් සායන සෞඛ්‍ය අමාත්‍යාංශය විසින් නිකුත් කරන ලද COVID-19 එන්නත් කිරීම පිළිබඳ මාර්ගෝපදේශයන්ට අනුකූලව පැවැත්වේ.
මෙම එන්නත්කරණ වැඩපිළිවෙල ශකිත්මත් කිරිමට සහයෝගය ලබාදෙන ලෙස සෞඛ්‍ය අමාත්‍යාංශය සියළු ජනතාවගෙන් ඉල්ලා සිටි.
මේ පිළිබද වැඩිදුර තොරතුරු වසංගත රෝග විද්‍යා ඒකකයේ ප්‍රධාන වසංගත රෝග විද්‍යාඥ හා සම්බන්ධව ලබාගත හැක.
නවතම පුවත්
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
