රුපියල් ලක්ෂ 1300 ක වියදමින් නිමකරන ලද පාසල් තාක්ෂණ විද්‍යාගාර හයක් පසුගිය දා දෙහිඕවිට අධ්‍යාපන කලාපයේ දී විවෘත කෙරිණි. මෙම විද්‍යාගාරයක් ජීව හා රසායනික විද්‍යාගාරයකින්, භෞතික විද්‍යාගාරයකින්, ගණිතාගාරයකින්, භාෂා විද්‍යාගාරයකින් හා තොරතුරු තාක්ෂණ විද්‍යාගාරයකින් සමන්විත වෙයි.
ගොනගල්දෙණිය වහරක මහා විද්‍යාලය, කිතුල්ගල කල්‍යාණි මහා විද්‍යාලය, යටියන්තොට ශාන්ත මරියා මහා විද්‍යාලය, කන්නත්තොට සුලෙයිමානියා මුස්ලිම් විද්‍යාලය හා කොටියාකුඹුර රත්නාවලී මහා විද්‍යාලය එම විද්‍යාලයි.
මෙම විද්‍යාගාර විවෘත කිරීමේ අවස්ථාවට සබරගමුව පළාත් ප්‍රධාන ඇමති මහීපාල හේරත්, සබරගමුව පළාතේ විපක්ෂ නායිකා තුසිතා විජේමාන්න, පාර්ලිමේන්තු මන්ත්‍රී වයි.ජී පද්මසිරි යන මහත්වරු ඇතුළු සබරගමුව පළාතේ ආණ්ඩු පක්ෂයේ හා විපක්ෂයේ මන්ත්‍රීවරු රැසක් සහභාගි වී සිටියහ.
MAP/dmu_kegalle
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
