විදුලිය භාවිතා කරන්න. විදුලිය අපතේ යවන්න එපා.අනවශ්‍ය විදුලි පහන් නිවාදමන්නට කටයුතු කරන ලෙස විදුලිබල මණ්ඩලයේ සභාපති  අනුර විජේපාල මහතා ජනතාවගෙන් ඉල්ලීමක් කරයි.

පවතින නියඟය තත්ත්වය හේතුවෙන් ජලය අරපිරිමැස්මෙන් භාවිතා කිරීම අවශ්‍ය බවත් ඒ සඳහා මහජන සහාය අවශ්‍ය බව ජල සම්පාදන හා ජලපවාහන මණ්ඩලයේ සභාපති කේ.ඒ. අන්සාර් මහතා පවසයි.

නියඟයට  මුහුණ දීමට වාරි මාර්ග දෙපාර්තමේන්තුව අවශ්‍ය පූර්ව සූදානමක සිටීමට හැකියාව ලැබුණා. කෘෂි වගාවන් ආරක්ෂා කිරීම ගැන සකච්ඡා කර තිබෙනවා. පානීය ජල ගැටළුවට විසඳුම් සොයා බලනවා. කෙටි  කාලීන හා දීර්ග කලීන විසඳුම් සඳහා සාකච්ඡා කර දැනටමත් අවශ්‍ය කටයුතු කරනවා යැයි වාරිමාර්ග හා ජල සම්පත් කළමනාකරණ අමාත්‍යාංශයේ ලේකම් ආර්.එම්. ඩබ්ලිව්. රත්නායක මහතා පවසයි.

නියඟ තත්ත්වය සහ 2017 දිළිදු කමින් මුදා ගැනීමේ ජාතික වැඩපිළිවෙල පිළිබඳව සාකච්ඡා කරන විශේෂ සම්බන්ධීකරණ කමිටුවක් ඊයේ දින (16) ගාල්ල දිස්ත්‍රික් ලේකම් කාර්යාලයේ දී පැවැතිණි.