දිවයිනට බලපා ඇති අධික වර්ෂාව හේතුවෙන් පීඩාවට පත් ජනතාවට සහන සැළසීම සඳහා ජනාධිපති රනිල් වික්‍රමසිංහ මැතිතුමා උපදෙස් ලබා දී ඇති බවත් මේ වන විට එම ජනතාවට සහන සැළසීමේ කටයුතු ආරම්භ කර ඇති බවත් රාජ්‍ය ආරක්ෂක සහ ආපදා කළමනාකරණ රාජ්‍ය අමාත්‍ය අමාත්‍ය ප්‍රමිත බණ්ඩාර තෙන්නකෝන් මහතා පවසයි.

පවතින අයහපත් කාලගුණික තත්ත්වය හේතුවෙන් දිස්ත්‍රික්ක කිහිපයක් සඳහා ඊයේ (16) පස්වරු 4.00 සිට අද (17) පස්වරු 4.00 දක්වා බලපැවත්වෙන පරිදි තෙවන අදියරේ (රතු) (ඉවත්වීමේ) නායයාමේ පූර්ව අනතුරු ඇඟවීමේ පණිවිඩයක් නිකුත් කර ඇති බව ජාතික ගොඩනැගිලි පර්‍යේෂණ සංවිධානය පවසයි.

බස්නාහිර,සබරගමුව, මධ්‍යම සහ වයඹ පළාත්වල ගාල්ල සහ මාතර දිස්ත්‍රික්කවල විටින් විට වැසි හෝ ගිගුරුම් සහිත වැසි ඇතිවන බව කාලගුණවිද්‍යා දෙපාර්තමේන්තුව නිවේදනය කරයි.

මෙරට ණය ප්‍රතිව්‍යුහගතකරණය සම්බන්ධයෙන් පසුගියදා තමන් චීන මුදල් අමාත්‍යවරයා සමඟ සාකච්ඡා කළ බවත් ඒ වෙනුවෙන් පැවැත්වෙන සාකච්ඡා සාර්ථකව අවසන් වනු ඇති බව තම අපේක්ෂාව බවත් ජනාධිපති රනිල් වික්‍රමසිංහ මහතා සඳහන් කළේය.