දිවයිනේ නිරිත දිග ‍‍කොටසේ පවතින වැසි සහිත කාලගුණික තත්ත්වය අද සිට පසු පහව යනු ඇතැයි අ‍පේක්ෂා කරන බව කාලගුණ විද්‍යා දෙපාර්තමේන්තුව පවසයි.

ඉදිකිරීම් ක්ෂේත්‍රයේ නිපුණ ශ‍්‍රමිකයින් 5000 ක් රැකියාගත කිරීම ඉලක්කය වී තිබෙන බවත් එම අභියෝගය අභියෝගය ජය ගැනීමට අවශ්‍ය බවත් තරුණයින් වැඩි වැඩියෙන් මෙම ක්ෂේත්‍රයට කැඳවා ගැනීමටනම් මේ සඳහා පිළිගැනීමක් අගය කිරීමක් ලබා දිය යුතු බව නිපුනතා සංවර්ධන හා වෘත්තීය පුහුණු රාජ්‍ය අමාත්‍ය පාලිත රංගේබණ්ඩාර මහතා පවසයි.

ගීත කලාවට අග්‍රගණ්‍ය මෙහෙවරක් ඉටුකළ හෙළයේ මහා ගාන්ධර්වයාණන් ආචාර්ය, පණ්ඩිත් ඩබ්. ඩී. අමරදේවයන් දැයෙන් සමුගත්තේ අප සංගීත ක්ෂේත්‍රයේ යුගයක නිමාව සනිටුහන් කරමින් බවත් ඒ නික්මයාමෙන් හිස්වන ඉඩ කිසිසේත් පුරවාලිය නොහැකි බව සිහිපත් කරනුයේ මහත් සංවේගයෙන් බවත් අග්‍රාමාත්‍ය රනිල් වික්‍රමසිංහ මහතා අභාවප්‍රාප්ත පණ්ඩිත් ඩබ්. ඩී. අමරදේවයන් දැයෙන් සමුගැනීම වෙනුවෙන් ශෝක පණිවුඩයක් නිකුත් කරමින් කියා සිටියි.

චීනයේ Shanghai ජාත්‍යන්තර ඡායාරූප ප්‍රදර්ශනයෙන් හා තරඟාවලියෙන් ( The 13th Shanghai International Photographic Art Exhibition ) විවෘත ප්‍රවෘත්ති ඡායාරූප අංශයෙන් PSA Silver රිදී සම්මනය දිනා ගැනීමට ඡායාරූපශිල්පිණී යමුනී රශ්මිකා පෙරේරා සමත් වී තිබේ.