කාන්තාවන් විදේශ ගතවීමේදී පවුල් පසුබිම් වාර්තාවක් ලබාගත යුතු බවට වන නීති පනවා තිබීම නිසා නොයෙක් වංචනික මාර්ග ඔස්සේ කාන්තාවන් විදේශගත වීම මගින් කාන්තාවන්ගේ හා පවුල්වල ආරක්ෂාවට බරපතල හානියක් සිදුව ඇති බවත් මේ නිසා පවුල් පසුබිම් වාර්තාව ඉවත් කිරීමට කැබිනට් මණඩලයට යෝජනාවක් ඉදිරිපත් කර ඇති බවත් විදුලි සංදේශ, ඩිජිටල් යටිතල පහසුකම් හා විදේශ රැකියා නියෝජ්‍ය අමාත්‍ය මනුෂ නානායක්කාර මහතා පැවසීය.

කුරුණෑගල දිස්ත්‍රික්කයේ දුම්කොළ වගාව වෙනුවට විකල්ප ආර්ථික භෝග හදුන්වා දීමේ වැඩසටහනක් ක්‍රියාත්මක කර ඇති බව පළාත් කෘෂිකර්ම අධ්‍යක්ෂ එස්.බී සේමසිංහ මහතා පසුගිය දා කුරුණෑගල දිස්ත්‍රික් ලේකම් කාර්යාලයේ දී පැවති දිස්ත්‍රික් කෘෂිකර්ම කම්ටුවේ දී ප්‍රකාශ කළේය.

අගෝස්තු 30 වැනි දිනට යෙදී තිබෙන අතුරදන් වූ තැනැන්තන් පිළිබඳ ජාත්‍යන්තර දිනය සැමරීම නිමිත්තෙන් ශ්‍රී ලංකාවේ අතුරුදන් වූ තැනැන්තන් පිළිබඳ කාර්යාලය විසින් විශේෂ වැඩසටහනක් කොළඹ 07 ජේ.ආර්. ජයවර්ධන කේන්ද්‍රයේදී හෙට (2018.08.30) දින පස්වරු 3.00ට පැවැත්වෙන බව අතුරුදන් වූ තැනැත්තන් පිළිබඳ කාර්යාලය පවසයි.