බහුදින ධීවර යාත්‍රාවලින් මසුන් ඇල්ලීමට ලෝන්ලයින් හෙවත් මරුවැල් පන්න ක්‍රමය සඳහා ඇම වශයෙන් යොදා ගන්නා දැල්ලන්ගේ මිල ගණන් ඉහළ යාම හේතුවෙන් වේක්කයා Milk Fish නැමැති මත්ස්‍ය විශේෂය මෙරට තුළ නිපදවීම කෙරෙහි ධීවර හා ජලජ සම්පත් සංවර්ධන අමාත්‍යාංශයේ අවධානය යොමු වී තිබේ.

කර්මාන්ත හා වාණිජ කටයුතු අමාත්‍යාංශය මඟින් බිත්තර ආනයනය කිරීමට සූදානමක් පවතින බව අද (මාර්තු 12) පුවත්පත්වල පළ වී තිබෙන වාර්තා සම්පූර්ණයෙන් අසත්‍ය බවත්, අමාත්‍යාංශය මඟින් බිත්තර ආනයනය කිරීමට කිසිඳු බලාපොරොත්තුවක් නොමැති බවත්, මෙවැනි අසත්‍ය ප්‍රකාශවලට නොරැවටෙන ලෙසත්, කර්මාන්ත හා වාණිජ කටයුතු අමාත්‍යාංශය පවසයි.