කර්මාන්ත ශාලා මගින් සිදුවන පරිසර දූෂණය, නාගරික කැළි කසළ සම්බන්ධ ගැටලු, අනවසර ඉදි කරීම් නිසා ඇතිවන ගැටලු වලට සාර්ථකව මුහුණ දීම සඳහා අදාළ නීති සකස් කරීම පිණිස ජාතික පාරිසරික පනත සංශෝධනය කිරීමට අමාත්‍ය මණ්ඩලය තීරණය කොට ඇත.

අමත්‍ය මණ්ඩලය විසින් කලින් ලබා දී ඇති අනුමැතිය අනුව දුම්රිය දෙපාර්තමේන්තුවට දුම්රිට එන්ජින් 12ක් මලදී ගැනීම සඳහා අවශ්‍ය අමරිකානු ඩොලර් මිලියන 48.67ක මුදල කැනඩා අපනයන සංවර්ධන ආයතනයේ සහයෝගය මත ස්ටෑන්ඩර්ඩ් චාර්ටඩ් බැංකුව වෙතින් සපයා ගැනීම සඳහා ගිවිසුමකට එළඹීමට ජාතික ප්‍රතිපත්ති හා ආර්තික කටයුතු අමාත්‍යතුමා වශයෙන් අග්‍රාමාත්‍ය රනිල් වික්‍රමසිංහ මහතා ඉදිරිපත් කළ යෝජනාවට අමාත්‍ය මණ්ඩලයට විසින් අනුමත කොට ඇත.

වයඹ පළාත් ඇළ, කුරුණෑගල දඹුල්ල අධිවේගි මාර්ගය, කුරුණෑගල - හබරණ දුම්රිය මාර්ගය යන ව්‍යාපෘති තුනෙහි මහජනතාවට තොරතුරු පහසුවෙන් දැනගැනීම සඳහා කාර්යාල තුනක් වීවෘත කරන ලෙස මාතලේ දිස්ත්‍රික් ලේකම්  එස්.එම්.ජී.කේ. පෙරේරා  මහතා, ව්‍යාපෘති භාර නිලධාරින්ට දැනුම් දී ඇත.