“රට වෙනුවෙන් පිබිදෙන පුලතිසි යෞවනය” තරුණ පුහුණු කඳවුර මාර්තු 10,11 සහ 12 යන දිනයන්හි පොලොන්නරුව රාජකීය විද්‍යාලයේදී තරුණ තරුණියන් 3000ක ගේ සහභාගීත්වයෙන් පැවැත්වීමට මේ වන විට සියලු කටයුතු සූදානම් කොට ඇතැයි ජාතික ප්‍රතිපත්ති සහ ආර්ථික කටයුතු පිළිබඳ රාජ්‍ය අමාත්‍ය නිරෝෂන් පෙරේරා මහතා පවසයි.

සයිටම් පෞද්ගලික වෛද්‍ය විද්‍යාලයේ ප්‍රධාන විධායක නිලධාරියාගේ මෝටර් රථයට වෙඩි තැබීමේ සිද්ධිය සම්බන්ධයෙන් කඩිනමින් පරීක්ෂණ කොට සැකකරුවන් අත් අඩංගුවට ගැනීමට කටයුතු කරන බව  නීතිය හාසාමය සහ දක්ෂිණ සංවර්ධන අමාත්‍ය සාගල රත්නායක මහතා පවසයි.

රටක සැබෑ සංවර්ධනයක් ඇති කිරීමට නම් ඒ රටේ පවුල් සබඳතාද ශක්තිමත් කළ යුතු බව   වරාය සහ නාවික අමාත්‍ය අර්ජුන රණතුංග මහතා පවසයි.

බලහත්කාරයෙන් අතුරුදහන් කිරීම්වලින් සියලු තැනැත්තන් ආරක්ෂා කිරීම සඳහා වූ ජාත්‍යන්තර සම්මුතිය බලාත්මක කිරීම  සඳහා ඊට සම්බන්ධ හෝ අනුෂාංගික කරුණු සඳහා විධිවිධාන සැලැස්වීම පිණිස වූ පනත් කෙටුම්පතක් අද (07) පාර්ලිමේන්තුවට ඉදිරිපත් කළේ ය.