රාජකාරී විදේශ සංචාර සඳහා ගුවන් ටිකට්පත් මිලදී ගැනීමට රජයේ අරමුදල් භාවිතා කරනු ලබන අවස්ථාවලදී අගවිනිසුරු, ශ්‍රේෂ්ඨාධිකරණ විනිසුරුවරු, අභියාචනාධිකරණයේ සභාපති සහ අභියාචනාධිකරණ විනිසුරුවරු හැර අනිකුත් සියලුම නිලධාරීන් පිරිමැසුම් පන්තියේ (Economy Class) ගුවන් ටිකට්පත් පමණක් මිලදී ගත යුතු බව ජනාධිපති රනිල් වික්‍රමසිංහ මහතා විසින් දැනුම් දී තිබේ.

මෙය මැතිවරණයක් පැවැත් විය යුතු අවස්ථාවක් නොවන බවත් ජනතාවගේ පීඩනය අඩු කර ගැනීමට සියළු දෙනා ඇත්වැල් බැඳගත යුතු අවස්ථාවක් බව ජනමාධ්‍ය රාජ්‍ය අමාත්‍ය ශාන්ත බණ්ඩාර මහතා පැවසිය.

මාධ්‍ය පිළිබඳව යම්කිසි ප්‍රමිතියක් ඇති කළ යුතු බවත් ඉදිරියේදි මාධ්‍ය අධිකාරි පනත් කෙටුම්පතක් ඉදිරිපත් කරන බව ජනමාධ්‍ය අමාත්‍ය ආචාර්ය බන්දුල ගුණවර්ධන මහතා පාර්ලිමේන්තුවේ දී අද (23) ප්‍රකාශ කළේය.